NúNú – Neyðarlán fyrir farþega Play Air

Vaxtalaus neyðarlán fyrir farþega sem sitja fastir erlendis vegna gjaldþrots Play Air

Við vitum að farþegar Play Air vinna hörðum höndum að því að komast heim. Þegar Play Air hætti skyndilega starfsemi lentu margir Íslendingar í því að vera fastir erlendis og leita leiða til að komast aftur heim. NúNú er hér til að hjálpa með því að veita vaxtalaus lán til að einfalda þér og þínum að komast heim.

Hvernig virkar ferlið?

Stutt yfirlit

• Skráðu þig á nunu.is – Umsóknir eru eingöngu fyrir skráða notendur.
• Sendu tölvupóst á [email protected] – Fylltu út umsóknarsniðmátið (sjá hér að neðan) og bættu við öllum skjölum sem krafist er.
• Yfirferð – Við förum handvirkt yfir hverja umsókn innan 12 klst.
• Samþykki – Ef lánið er samþykkt er það millifært á íslenskan bankareikning þinn.
• Endurgreiðsla – Borgaðu lánið til baka innan 30 eða 60 daga, vaxtalaust.

👉 Mikilvægt: Við krefjumst ekki staðfestingar á því hvernig lánsfénu er varið. Þú þarft ekki að senda okkur nýja flugmiða eftir kaup.

Lánsupplýsingar

• Lánsfjárhæð: Hámark 60.000 kr. á hvern umsækjanda.
• Endurgreiðsluskilmálar: 90 daga afborganir (3 greiðslur), 0% vextir.
• Tímalína: Umsóknir eru yfirfarnar innan 12 klst., peningar millifærðir sama dag ef samþykki er veitt á opnunartíma banka.

Hæfisskilyrði

Þú verður að hafa:

• ✅ Gilda Play Air flugpöntun (fram- og tilbaka miði, bókuð fyrir 29. september 2025; a.m.k. eitt nafn í pöntuninni þarf að passa við umsækjanda)
• ✅ Sönnun á ferðalagi (farseðil/brottfararspjald sem sýnir að þú fórst um borð)
• ✅ Íslenska tengingu (íslenskan bankareikning, kennitölu og NúNú reikning)
• ✅ Viðeigandi skjöl (upprunalega pöntunarstaðfestingu frá Play Air, greiðslusönnun o.fl.)

Nauðsynleg skjöl

Frá Play Air

• Pöntunarstaðfesting (frá flyplay.com eða þekktum ferðasíðum)
• Farmiði sem sýnir að þú fórst um borð
• Greiðslusönnun (banka-/kortayfirlit með samsvarandi dagsetningum)

Persónuupplýsingar

Veittar í gegnum umsóknarsniðmátið

Umsóknarferli – Tvö einföld skref

Skref 1 – Safnaðu skjölum: Pöntunarstaðfesting · Farseðill · Kreditkorta-/bankayfirlit

Skref 2 – Fylltu út umsóknina: Sendu tölvupóst á 📧 [email protected]
Efnislína: Play Air Neyðarlán – [nafn þitt]

Umsóknarsniðmát – PLAY AIR NEYÐARLÁN

Persónuupplýsingar
Fullt nafn: _______________
Kennitala: _______________
Netfang (skráð hjá NúNú): _______________
Símanúmer: _______________
Bankareikningur (IBAN): _______________

Lánsupplýsingar
Umbeðin upphæð: _______________ kr.
Fjöldi farþega í pöntun: _______________
Nöfn farþega (ef fjölskylda): _______________

Yfirlýsing
Ég lýsi því yfir að:
• Öll skjöl eru ósvikin og rétt.
• Ég er lögmætur Play Air farþegi sem varð fyrir áhrifum af gjaldþroti.
• Ég skil að þetta er vaxtalaust lán með endurgreiðslu innan 30–60 daga.
• Ég samþykki að niðurstaða umsóknar er háð mati NúNú.

Undirskrift: _______________      Dagsetning: _______________

Viðhengi:
• Pöntunarstaðfesting
• Farseðill
• Staðfesting á greiðslu
    

Fjölskyldur og vinahópar

• Hámark 60.000 kr. á hvern einstakling.
• Ef þú ert að ferðast með maka, fjölskyldu eða vinum, þarf hver einstaklingur að:
  • Skrá sitt eigið aðgang á nunu.is
  • Senda sína eigin umsókn með öllum gögnum
• Sama bókunarstaðfesting getur gilt fyrir alla, svo lengi sem nöfn allra umsækjenda koma fram á miðunum.

Mikilvægar upplýsingar

Við athugum:

• Áreiðanleika skjala
• Núverandi stöðu hjá NúNú
• Tvíteknar umsóknir
• Samræmi í skjölum

Við hafnum umsóknum ef:

• Skjöl eru sviksamleg eða ósamræmi er til staðar
• Útistandandi lán er hjá NúNú
• Pöntun uppfyllir ekki skilyrði
• Ekki er hægt að sanna ferð með Play Air

Algengar spurningar

• Er þetta virkilega vaxtalaust? Já, engir vextir eða gjöld.
• Þarf ég að sanna hvernig ég nota féð? Nei.
• Get ég sótt um fyrir fjölskyldu/vini? Já, en hver og einn þarf að senda sína eigin umsókn (sjá reglur hér að ofan).
• Hversu fljótt fæ ég peningana? Yfirleitt innan 12 klst. á opnunartíma banka.

Samskipti og þjónusta

📧 [email protected]
Efnislína: Play Air Neyðarlán umsókn

Þetta er neyðarlánsáætlun háð venjulegum lánaskilmálum og íslenskum reglum.

👉 Tilbúin/n til að sækja um? Skráðu þig á nunu.is og sendu tölvupóst á [email protected].

SKILMÁLAR NEYÐARLÁNA

Almennir skilmálar NúNú lán ehf. fyrir neyðarlán

1. Inngangur

Eftirfarandi eru þeir almennu skilmálar neyðarlána sem gilda um lán hjá NúNú lán ehf. Skilmálarnir gilda um lánssamning um neyðarlán milli NúNú lán ehf. og lántaka.

Sé óskað frekari upplýsinga geta lántakar haft samband við NúNú lán ehf. með tölvupósti. Hinir almennu skilmálar neyðarlána gilda að svo miklu leyti sem ekki er samið um annað varðandi lánið. Víki hinir almennu skilmálar neyðarlána frá því sem kveðið er á um í lánssamningi mun lánssamningurinn gilda.

NúNú lán ehf. getur breytt þessum lántökuskilmálum neyðarlána án fyrirvara og taka breytingarnar jafnframt gildi umsvifalaust, séu breytingarnar lántaka í hag. Að öðrum kosti taka breytingarnar gildi með þriggja mánaða fyrirvara.

2. Umsóknarskilmálar og mat á lánstrausti

NúNú lán ehf. getur veitt þeim einstaklingi neyðarlán sem náð hefur 18 ára aldri og er lögráða, hefur íslenska kennitölu og heimilisfang, og hefur staðist lánshæfismat sem NúNú lán ehf. framkvæmir. Einnig er krafist að umsækjendur sanni á sér deili með hætti sem NúNú lán ehf. áskilur, svo sem með því að stofna reikning á vefsíðunni www.nunu.is. NúNú lán ehf. áskilur sér allan rétt til þess að hafna viðskiptum við umsækjendur um neyðarlán, þá sérstaklega þá umsækjendur sem eru skráðir á vanskilaskrá hjá viðurkenndum skráningaraðilum, svo sem, en ekki bundið við, CreditInfo Lánstraust hf.

Einnig er forsenda þess að neyðarlán er veitt að umsækjandi hafi átt bókað flug tvær leiðir með félaginu Fly Play hf. Umsækjandi þarf að hafa framvæmt bókun og flogið fyrri legg bókunarinnar áður en tilkynnt var um að félagið myndi hætta rekstri þann 29. september 2025 og þarf heimkoma samkvæmt bókuninni að vera eftir 29. september 2025. Áskilið er að umsækjandi afhendi NúNú lán ehf. sönnun þess að bókun sé raunveruleg og er NúNú lán ehf. heimilt að hafna umsókn um neyðarlán fái NúNú lán ehf. að mati félagsins ekki fullnægjandi sönnun fyrir framangreindu. Þá er NúNú lán ehf. heimilt að áskilja að umsækjandi sanni að greitt hafi verið fyrir fargjald, svo sem með framvísun færsluyfirlita. Áskilið er að umsækjandi hafi sjálfur átt bókað flug undir eigin nafni skv. ofangreindu. NúNú lán ehf. veitir umsækjendum neyðarlán allt að fjárhæð 60.000 krónur.

Enn fremur er forsenda lánveitingar að umsækjandi hafi virkt íslenskt farsímanúmer, opinn íslenskan bankareikning og netfang. Jafnframt verður þeim umsækjendum ekki veitt neyðarlán sem eru í vanskilum með önnur lán hjá NúNú lán ehf. Þá skal umsækjandi hafa skráð greiðslukort hjá NúNú lán ehf.

NúNú lán ehf. veitir lán á grundvelli einstaklingsbundins lánshæfismats. Matið miðast við upplýsingar frá lántaka og gagnagrunnum um fjárhagsmálefni og lánstraust, t.d. Creditinfo Lánstrausts hf. Enn fremur kann NúNú lán ehf. að ná í upplýsingar um lánshæfi hjá öðrum fjármálastofnunum. NúNú lán ehf. áskilur sér rétt til að hafna lánsumsóknum út frá heildarlánshæfismati án þess að færð séu frekari rök fyrir því. Mat á lánshæfi getur einnig átt sér stað meðan á gildistíma lánssamnings stendur.

Ef umsækjanda er veitt neyðarlán verður hann að staðfesta lánssamninginn með þeim hætti sem NúNú lán ehf. áskilur. Í kjölfarið eftir að lánssamningurinn hefur verið gerður, er lánsfjárhæð greidd út og getur lántaki ráðstafað þeirri lánsfjárhæð sem veitt hefur verið til að fjármagna farmiðakaup til heimfarar.

Neyðarlán NúNú lán ehf. bera hvorki lántökugjöld né vexti, aðra en dráttarvexti og innheimtukostnað við vanskil. Ekki er um hefðbundna lánaafurð að ræða og skal enginn hluti þessara skilmála eða lánssamninga og staðlaðra upplýsingablaða vegna neyðarlána taka til annarra lánaafurða NúNú lán ehf. en neyðarlána. NúNú lán ehf. er hvenær sem er heimilt að takmarka heildarfjárhæð eða heildarfjölda neyðarlána og er félaginu heimilt að synja umsóknum á þeim grundvelli. Jafnframt er NúNú lán ehf. heimilt að takmarka neyðarlán til einstaklinga á grundvelli þátta svo sem greiðslusögu þeirra hjá NúNú lán ehf., mats NúNú lán ehf. á gæðum þeirra upplýsinga sem veittar eru í umsóknarferlinu, þess að einstaklingur hafi þegar náð hámarki lánsheimildar hjá NúNú lán ehf., skuldastöðu eða hvaðeina annars sem NúNú lán ehf. telur að geti haft áhrif á greiðslugetu eða greiðsluvilja umsækjanda.

3. Afborganir, gjöld og greiðsluskilmálar

Lántaki er skyldugur að greiða afborganir samkvæmt lánssamningnum án tillits til þess hvort NúNú lán ehf. er búið að senda kröfu eða greiðsluseðil.

Lántaki á rétt á því, samkvæmt tilmælum þess efnis, að fá sér að kostnaðarlausu, yfirlit yfir greiðslur sem eru ógreiddar, gjalddaga og vexti samkvæmt áætlun um afborganir.

Innborgunargreiðslur frá lántaka til NúNú lán ehf. eru notaðar til að greiða niður lán lántaka hjá NúNú lán ehf. með eftirfarandi hætti: 1) kostnað 2) vexti 3) höfuðstól.

4. Borgun og endurgreiðsla fyrir tímann

Endurgreiðsla neyðarlánsins og greiðsla gjalda, kostnaðar og annars kostnaðar vegna vanskila greiðist með greiðslukorti með öruggri greiðslumiðlun eða með greiðslu kröfu í heimabanka. Þessu getur fylgt greiðsluþóknun. Lántaki er samþykkur því að NúNú lán ehf. skuldfæri greiðslukort lántaka í gegnum örugga greiðslumiðlun.

Í tilvikum þegar ekki er hægt að auðkenna greiðslu frá lántaka telst afborgun vera útistandandi þangað til búið er að auðkenna greiðsluna. Lántaki greiðir dráttarvexti vegna dráttar á greiðslu, nema þær aðstæður sem eru uppi séu tilkomnar af ástæðum sem eru lántaka óviðkomandi.

Lántaki getur hvenær sem er endurgreitt neyðarlánið að öllu leyti eða að hluta fyrir eindaga. Ef lántaki óskar eftir því að endurgreiða neyðarlánið fyrir gjalddaga verður að senda NúNú lán ehf. skriflega tilkynningu þess efnis.

5. Þóknun og vextir

NúNú lán ehf. leggur ekki lántökugjald á neyðarlán. Einnig bera neyðarlán NúNú lán ehf. enga vexti. Vegna vanskila áskilur NúNú lán ehf. sér allan rétt til þess að krefjast hámarksinnheimtukostnaðar í samræmi við lög og reglugerðir, svo sem vegna, en ekki bundið við, innheimtubréfa og innheimtuviðvarana, sem með lögbundnum hætti eru send lántaka vegna vanskila. Verði um vanefndir að ræða er lántaka skylt að greiða kostnað sem tengist innheimtu á útistandandi skuld. Svo framarlega sem lántaki greiðir ekki reglulega af láni o.s.frv. verða dráttarvextir lagðir á hina gjaldföllnu ógreiddu fjárhæð.

6. Uppsögn og breyting á lánssamningi

Lántaki getur hvenær sem er sagt fyrirvaralaust upp lánssamningi við NúNú lán ehf. vegna neyðarláns sem og viðskiptasambandi sínu við félagið. Við uppsögn samnings er lánssamningurinn gjaldfelldur, og verður að greiða slíkt umsvifalaust. NúNú lán ehf. getur sagt upp samningi og tekur slík uppsögn umsvifalaust gildi þegar um er að ræða vanefndir, svo sem, en ekki bundið við þau tilvik þegar lántaki greiðir ekki af láni sínu hjá NúNú lán ehf. í samræmi við efni lánssamningsins eða veitir félaginu rangar upplýsingar um fjárhagsmálefni sín eða ef í ljós kemur að lántaki uppfyllti ekki lántökuskilyrði samkvæmt skilmálum þessum.

7. Verulegar vanefndir

Öll háttsemi lántaka sem fer gegn skilmálum þessum eða lánssamningnum telst vera vanefnd á samningnum. Tiltekin háttsemi eða atvik teljast þó vera verulegar vanefndir í samningssambandi NúNú lán ehf. og lántaka. Ekki er um tæmandi talningu að ræða.

Inni lántaki ekki af hendi greiðslur afborgana á réttum tíma samkvæmt lánssamningi telst það vera veruleg vanefnd á lánssamningi. Hið sama gildir í þeim tilvikum þar sem bú lántaka er tekið til gjaldþrotaskipta, lántaki krefst nauðasamninga eða sækir um greiðslustöðvun. Einnig telst það veruleg vanefnd ef lántaki veitir rangar eða villandi upplýsingar um fjárhagsmálefni sín til NúNú lán ehf. eða veitir NúNú lán ehf. rangar upplýsingar við umsókn um lán.

Þegar um vanefndir er að ræða á NúNú lán ehf. rétt á að láta innheimtuna í hendur eða fá aðstoð innheimtufyrirtækja eða annarra þriðju aðila. Sé um slíkt að ræða þá fellur hugsanlegur kostnaður sem tengist slíku á lántaka.

8. Framsal

NúNú lán ehf. á rétt á því að framselja öll réttindi og skuldbindingar samkvæmt lánssamningi til þriðja aðila án samþykkis lántaka. Lántaka er ekki heimilt án fyrir fram skriflegs samþykkis NúNú lán ehf. að framselja réttindi sín og skuldbindingar samkvæmt lánssamningi til þriðja aðila.

9. Samskipti er varða lánssamninginn

Öll samskipti er varða lánssamninginn milli lántaka og NúNú lán ehf. skulu fara fram skriflega með notkun þeirra póstfanga og netfanga sem liggja fyrir samkvæmt lánsumsókn. Lántaka ber skylda til að upplýsa NúNú lán ehf. án tafar um allar breytingar á heimilisfangi lántaka, farsímanúmeri hans eða á öðrum upplýsingum sem komið hafa fram á lánsumsókn.

10. Skráning og meðferð persónuupplýsinga

NúNú lán ehf. heldur skrá utan um persónuupplýsingar er varða nafn, heimilisfang, kennitölu, farsímanúmer, tölvupóstfang og lánaupplýsingar viðskiptavina. Persónuupplýsingarnar eru skráðar vegna notkunar við meðferð samskipta við viðskiptavini, við gerð lánshæfismats og til markaðsgreiningar.

NúNú lán ehf. áskilur sér rétt til að láta skuldaskráningaraðilum í té persónuupplýsingar, hugbúnaðar- og tæknifyrirtækjum sem aðstoða NúNú lán ehf. við upplýsingatækni hjá sér svo og þeim fyrirtækjum sem tilheyra sömu samstæðu og NúNú lán ehf. Að öðru leyti getur slíkt framsal persónuupplýsinga aðeins átt sér stað sé þess krafist í lögum eða á grundvelli samþykkis lántaka.

Framsal til hugbúnaðar- og upplýsingafyrirtækja á sér eingöngu stað með það að markmiði að tryggja góða þjónustu NúNú lán ehf. til lántaka í samræmi við efni lánssamninga og felur þannig ekki í sér framsal í markaðssetningarskyni. NúNú lán ehf. áskilur sér rétt til að láta markaðsfyrirtækjum í té persónuupplýsingar lántaka í því skyni að greina viðskiptavinahóp NúNú lán ehf. og gera félaginu kleift að fara í sértækar markaðsherferðir.

Þegar lántaki samþykkir útgreiðslu neyðarláns er hann að veita NúNú lán ehf. samþykki til að skrá, vinna með og áframsenda persónugögn, þ.á m. kennitölu til samstarfsaðila í því skyni sem tilgreint er að framan.

Lántaki getur hvenær sem er óskað eftir upplýsingum um hvaða upplýsingar NúNú lán ehf. er með um viðkomandi. Lántaki getur krafist þess að ónákvæmar og/eða rangar upplýsingar séu leiðréttar og, ef upplýsingarnar eru ekki lengur viðeigandi eða skipta ekki lengur máli til þess að hægt sé að uppfylla lánssamninginn, getur hann látið eyða þessum upplýsingum.

NúNú lán ehf. áskilur sér rétt til að taka upp samtöl eða á annan hátt að skjalfæra samskipti við lántaka. Lántaki verður upplýstur sé um slíkt að ræða.

11. Réttur til að falla frá samningi

Lántaki getur fallið frá lánssamningi við NúNú lán ehf. innan 14 daga án þess að tilgreina ástæðu sem liggur þar að baki. Lendir síðasti dagur frests til að falla frá samningi við á laugardegi, sunnudegi, helgidegi, þjóðhátíðardegi, eða þann 24. eða 31. desember, rennur fresturinn út næsta vikudag þar á eftir. Réttur til að hætta við fellur niður hafi samningur verið efndur af báðum aðilum samkvæmt ótvíræðri beiðni lántaka, áður en frestur rennur út.

Óski lántaki eftir því að færa sér í nyt réttinn til að falla frá samningi verður lántaki að tilkynna NúNú lán ehf. um það áður er frestur rennur út. Lántaki getur sent þessa tilkynningu skriflega, t.d. með bréfi eða tölvupósti. Lántaki þarf einungis að senda tilkynninguna í síðasta lagi áður en frestur rennur út. Vilji lántaki tryggja sér sönnun um að lántaki hafi hætt við innan réttra tímamarka, getur lántaki t.d. sent bréf í ábyrgð og geymt póstkvittun.

Tilkynningu má senda til: NúNú lán ehf., Kalkofnsvegi 2, 101 Reykjavik eða með tölvupósti til [email protected].

Færi lántaki sér í nyt réttinn til að hætta við, ber lántaka án allra ónauðsynlegra tafa, og í síðasta lagi 30 almanaksdögum eftir tilkynningu um nýtingu réttar til að hætta við afhenda þá höfuðstól neyðarlánsins-..

12. Skaðabótaábyrgð

NúNú lán ehf. er ekki ábyrgt fyrir tjóni og skaða sem verður vegna þess að lántaki hefur látið í té ónákvæmar eða rangar upplýsingar. NúNú lán ehf. er heldur ekki ábyrgt fyrir tjóni sem stafar af aðstæðum sem teljast vera vis majore eða forsendubrestur.

Því til viðbótar er NúNú lán ehf. ekki ábyrgt fyrir tjóni og skaða sem orsakast af skorti á internettengingu eða rofi slíkrar tengingar, og sem hefur í för með sér að lántaki nær ekki sambandi við heimasíðu NúNú lán ehf. Auk þessa ber NúNú lán ehf. heldur ekki skaðabótaábyrgð á tjóni sem stafar af bilun, galla eða öðru slíku á heimasíðu NúNú lán ehf.

NúNú lán ehf. ber ekki ábyrgð á óbeinu tjóni og skaða sem orsakast af því að lántaki hefur notfært sér heimasíðu NúNú lán ehf. eða einhverja þjónustu á heimasíðunni.

NúNú lán ehf. getur einungis orðið ábyrgt fyrir hvers konar öðru tjóni en það sem tilgreint er að framan í samræmi við almennar reglur skaðabótaréttarins.

13. Markaðssetning og samþykki

Hafi lántaki þegar hann gerði lánssamninginn við NúNú lán ehf. merkt í reitinn „Já – óska eftir fréttabréfum" er lántaki búinn að fallast á að NúNú lán ehf. geti notfært sér upplýsingar frá lántaka til að senda valkvæða tölvupósta með upplýsingum og tilboð um aðrar lánaafurðir. Þá hefur lántaki samþykkt að persónuupplýsingar hans verði notaðar í markaðssetningartilgangi í samræmi við skilmála þessa og persónuverndarstefnu félagsins.

Samþykki þetta má hvenær sem er afturkalla með því að senda tölvupóst á [email protected].

Af og til kann NúNú lán ehf. að senda nauðsynlegar tilkynningar með rafrænum hætti vegna aðgangs notenda eða notkunar á þjónustunni (t.d. þegar aðgangsupplýsingum er breytt eða lánsheimild breytist, sbr. 6. gr.). Slíkir tölvupóstar eru ekki sendir í markaðstilgangi og hefur félagið lögmæta hagsmuni af því að upplýsa lántaka um breytingar á persónulegum lánskjörum lántaka.

14. Ágreiningsmál

Skilmálar þessir lúta íslenskum lögum og skal ágreiningur um þau leystur fyrir Héraðsdómi Reykjavíkur.

Útgáfa: 1, gildir frá 30.9.2025